12‏/10‏/2011

حفلة عيد ميلاد توما || Toma Ikuta Birthday Party

أوهآيو مينآ ~

أخبآركم ؟ آليوم بسولف لكم عن اللي سويته في

عيد ميلاد [ تومآ  ]



طبعن كنت مخططه له من زمان و مسويه فعاليات و هيك أشياء 
سويت لهم كروت دعوة و طبعتها و لفيتها و ربطتها بشريطه > حركتات 




وهذآ آللي كآن مكتوب فيهآ > نسيت أصورهآ من دآخل 




طبعن كنت مسوية عرض بوربوينت و مسويه مسابقآت و أسئلة 
وقمت نزلت شاشة البلازما حقتي تحت عشان أشغل عليها العرض 



طبعن جلست أرتب المجلس و أزينه وشريت بلونات جاهزة و نفخت بلونات من عندي






و شريت قبعات و رشاش الثلج و هيك شغلات






و جهزت طاولة المشروبات



وهذي لسه طاولة البوفيه ما بعد أزينها و أحط عليها الأكل 



عاد قلت لهم كل واحد يكشخ و يتزين و يجي في الميعاد
مع بطاقته و اللي ما عنده بطاقة ما يدخل > أوت 
و ترى فيه تفتيش على جوالات الكام  > حشى داخلين عرس موب حفله في البيت 

وهذي صورة أختي الصغننه [ دآنة ] لابسه و كآشخة 



عاد بعد ما حضروآ كلهم بدينا الحفلة ومسابقات و وناسة ما تتخيلونها 
إنبسطوآ حيل عاد طبعن ما أمداني أصور لأن أنا منظمة الحفل > أوت  
عاد بقولكم عن موقف صار متنا عليه من الضحك في فقرة تمثيل
يختارون من عدة ظروف ويطلع لهم شي يمثلونه بدون ما يتكلمون
عاد أختي طلع لها زوارة خميس عاد أنا قلت هذي سهلة أكيد بتمثل
إنها تسلم على ناس وهيك شي يعني لكن شوي و أشوف هاللي تنسدح لي
على الأرض و كأن أحد يسوي لها إنعاش أو هيك شي و أهلي يطالعون فيها
و في وجهم علامات إستفهام وش كبرها  > ما ألومهم حتى أنا تنحت 
عاد و حدة من خواتي ما شاء الله تلفزيون متحرك تعرف كل البرامج و المسلسلات
و قالت الجواب والكل إستغرب لما قلت لها صح !! 
عاد سألتها ليه سويتي كذا قالت هذا مشهد شجون لما أغمى عليها في وحدة من الحلقات !!

بعد كذا جات فقرة الكيكة عاد أنا وصيت أمي وقلت لها
جيبي لي كيكه وهيك و للأسف كنت أبي صورة [ توما ]
عليها لكن ما أسعفنا الوقت لأن قبلها كنا في الإحساء
و جينا يوم الخميس بالليل فما أمداني و أنا نسيت من قبل
أعطيهم إياه و أقولهم عاد لما جيت أشوف الكيكة وش تتوقعون
شفت عليها ؟؟




كاتبه إسمي و إسم توما و إسم دانة إختي > مدري وش دخلها بالسالفة 
لكن بصرآحة ما توقعتها أبداً !!  > آلظآهر من كثر ما غثيتها فيه  
يا حبي لك يا ماما  

و هذا بعد ما حطيت الشمع > عمر توما 27 سنة



و حطيت باقي الشمعات 



وهذآ لما شغلنا الشمعات و لما دخلت فيها
وكنت مشغله أغنية عبدالمجيد " غنوآ لحبيبي "



و جلسنا تغني و هيك و طفينا الشمعات وبعدها شغلت لنا ميوزيك و جلسنا رقص
كلنا حتى أمي معنا و أجيك بعد و أسحب شغالتنا و أخليها ترقص معنا  



وطبعن الميوزيك الياباني و الكوري له نصيب من الحفلة





بعد ما طلعنا كل جنوننا و خبالنا و كل شيء
جاء و قت الأكل > بوفيه يمي يمي 



تحسبون إن السالفة خلصت صح !! لا .. ما خلصت اليوم اللي بعده ...

عزمتهم على الغداء في [ فرايديز ]




قآئمة آلطلبآت






و بعدها طلبوآ آللي يبونه وهذي طلباتهم
بس مو كلها ... تعبت و أنا أصور و الأكل أغراني و سعابيلي طاحت








و لما خلصنا رحنا لكرسبي كريم و جلسنا على راحتنا و تقهوينا ويلا خذلك سواليف و هيك










وبعد كذا رجعنا البيت و خلصنا حفلتنا
و توته توته ... خلصت الحتوته ... حلوة و إلا فتفوته !! 

هناك 7 تعليقات:

  1. كا عام وهو بخير ..;))
    انتى معجبة وبقوة .. ع قد مااشفت من يحبون فنانين كوريين ويابان ماريت مثلك ابد
    اتمنى لو توما يقدر يشوف هالتدوينة الحلوة ... أهنيك يااعسل ..

    رينوو

    ردحذف
  2. ŚҺαҺòđ10/12/2011 8:11 م

    يآآليتهم معآآج :'(
    والله ونآآآآسسه ،، أهم شي خدآمتكم موو صصج
    خخخخخخخخخخخخخخخخخخخخخخخخخخخخخخخ

    ردحذف
  3. كوماكو10/12/2011 9:33 م

    وااااااااااااو كل عام وتوما بالف خير

    صراحه حفله لا يعلا عليها شكلك بقوووووووووه تحبينه

    ما شاء الله الحفله جونااان وتنسيق رائع للحفله

    صراحه يا بخته توما عنده معجبه زيك ^_^

    ما شاء الله الله يخليها لكم اختك الصغنونه ياقلبي عليها طالعه قمر ما شاء الله الله يحفظها

    لا وكمان الشغاله احتفلت معكم اوهوووووووووووه خخخ

    والكيكه طالعه مره روعه عاد انا لما شفتها وشفت البوفيه قامت سعابيلي تقوطر ههههههههه

    لا وبعد فوق هذا عزمتيهم بمطعم اليوم الثاني يا بختهم والله ليش ما عزمتينا <<برا خخخخخخخخخخخخ


    صراحه ابدعتي الحفله مره حلوه توحفه



    بانتظار تدويناتك القادمه يا قمر

    **********************************
    بااااااااااااااي ^o^

    ردحذف
  4. خخخخخخخخخخخخ
    والله انك خطنطرييييه جدد
    وحتى شغالتكم ماسلمت منك ^^
    وحتى أغنيه هانا ميزوكي..~
    جد انك انسانه مو صآحيييه
    كل شئ برآسك تسوييينه..^^..
    المهم..~
    حفله حلووه..وبوفييه حلو..وكل شئ في الحلفله حلو

    ردحذف
  5. اووووووووووووووووو قسم انك خطيره ^0^
    ابدعتي بالتنسيقات والحركات وكل شي ...
    قهر ان توما ما يدري انه عنده معجبه مثلك << ليتي توما ^^ كان اجي بالطيارة < ما تمزح خخخخخ
    لازم ترسلين لي بطاقة المرا الثانية ~ احب الاشياء اللي كذا لا وبعد توما ياباني اوووووم الخقه تصيرين صديقتي ^^ صراحة متعوووووب عليه شكلك على طول نمتي من التعب
    انا قررت قرار اذا رحت ان شاء الله لليابان بسحبك معي ناخذ كم لفة باحياء طوكيو ثمن احطك عند توما وش رايك ؟
    اي صح : وش تعليق شغالتكم على الحفله ؟؟!

    فــــــــــايتق ^^
    انا من المتابعين لمدونتك الخوقاقية الجميلة

    ردحذف
  6. واااااااااااو ، هونتو سوقّووووووي

    ههههههههه والله إنك فلّة يا بنت ، ما حسّيتي إنّك فان مخلصة وبقوووة ماشاء الله عليك ^^
    الظاهر حتى عيد ميلادك ماسوّيتي فيه كذا .. مين قدّك ياتوما ^^
    لو أنا من أهلك باتمنى السنة كلها عيد ميلاده p:
    يلا عليكم بالعافية إن شاء الله ، وينعاد عليكم وانتو بخير وصحة D:
    بس التساؤل اللي جا في بالي أول ماشفت الصور عن ردّة فعل أهلك واللي عزمتيهم عشان هذا السبب ؟!! ^^

    يعطيك العافية ميمو ، فعلا استمتعت بالتدوينة
    موفقة ..

    ردحذف
  7. وه


    يوم شفت موضوعك خنقتنى العبره من جد !!
    احب اشوف اشيا كذا وناش عايشه شبابها بمرح ووناسه وماخذه الدنيا بسهاله ومشالله تبارك الله مشالله عائلتك كلهم فله ويوسعون الصدر وكول

    ليتنى صديقتك او جارتكم وه
    الكيكه دمييييييله من جد اسم اختك داخل عرض بس يازينها امك عادله حاطه توما بينكم

    دمتى فان لتوما للابد
    وان شالله لا ترسم كمغنى تصيرين رايحه لليابان وتحضرين كونسيرته
    ماتدرين يمكنه ما ترسم للان ينتظرك ^_~

    ردحذف